نئی دہلی کےچڑیا گھر میں چیتے نے پنجرے میں گرنے والے لڑکے کوہلاک کردیا

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی دارالحکومت نئی دہلی کے چڑیا گھر میں چیتے نے پنجرے میں گرنے والے لڑکے کوہلاک کردیا ہے۔اطلاعات کے مطابق نئی دہلی کے چڑیا گھر میں سیر کو آیا مقصود نامی لڑکا سفید چیتے کے درمیان موجود جنگلے پرجھکا ہوا تھا اچانک ہی اس کا توازن بگڑا اور وہ جنگلے کے اندر جاگرا، ابھی وہ اپنے حواس بحال بھی نہ کرپایا تھا کہ وہاں چیتا بھی آن پہنچا، اسی اثنا میں باہر موجود لوگوں نے اس کی توجہ ہٹانے کے لئے چیتے پر پتھر اور ڈنڈے برسانا شروع کردیئے جس پر چیتا اشتعال میں آگیا اور وہ مقصود کو گردن سے دبوچ کر پنجرے میں لے آیا اور اس نے اسے پٹخنا شروع کردیا جس کی وجہ سے اس کی گردن ٹوٹ گئی اورموقع پر ہی ہلاک ہوگیا ۔ واقعہ کی اطلاع ملتے ہی چڑیا گھر کا عملہ وہاں پہنچا اور اس نے چیتے کو وہاں سے ہٹا کر مقصود کی لاش نکال لی۔